ENCİFER

Tərkibi: 5ml-d də:

Dəmir (III) hidroksid saxaroza kompleksi 2000 mq

(100 mq elementar dəmirə ekvivalentdir)

 

Farmakoterapevtik qrupu:

Antianemik, Fe preparatları

 

Farmakoloji xüsusiyyətləri:

Farmakodinamika:

Enciferin aktiv maddəsi dəmir-saxaroza mərkəzdə çoxnüvəli Fe (III)-hidroksid və ətrafında çoxlu sayda qeyri-kovalent rabitə ilə birləşmiş saxaroza molekullarından ibarətdir. Kompleks stabil quruluşa və orta molekul kütləsinə (43kDa) malikdir. Polisiklik Fe nüvəsinin quruluşu fizioloji olaraq ferritin zülalının mərkəzi hissəsinə analojidir. Kompleksin funksiyası orqanizmdə fizioloji olaraq dəmirin depolaşmasına və transportunun tənzimlənməsinə əsaslanır. Encifer orqanizmə yeridildikdə ilk növbədə qaraciyər, dalaq və sümük iliyində retikuloendotelial sistemi tənzimləyir, daha sonra hemoqlobin, mioqlobin və digər Fe saxlayan fermentlərin sintezində istifadə olunur və ya ferritin şəklində qaraciyərdə toplanır.

Farmakokinetika:

Encifer orta molekul kütləsinə malik olduğu üçün böyrəklərdən eliminasiyasını çətinləşdirir. 100 mq Fe qəbulundan 4 saat sonra böyrəklərdən cəmi 5%-i eliminasiya olunur. Saxarozanın böyrəklərdən xaric olması qəbul olunan dozanın 75%-i qədərdir.

 

İstifadəsinə göstərişlər:

Müxtəlif etiologiyalı dəmirdefisitli anemiyalar:

• Dəmirin qısa müddətdə bərpasına ehtiyac olduqda
• Peroral dəmir preparatlarının qəbulunun mümkünsüzlüyü və  effektsizliyi
• MBT-nın müxtəlif  iltihabi xəstəlikləri
• Bağırsaqların cərrahi əməliyyatından əvvəl və sonra
• Xroniki böyrək xəstəlikləri
• Hamiləlik zamanı
• Kimyəvi terapiyadan sonra

 

Əks göstərişlər:

• Preparatın tərkibindəki komponentlərə qarşı yüksək həssaslıq
• Dəmir defisitindən asılı olmayan anemiyalar
• Dəmir yüklənməsi əlamətləri (hemosideroz, hemoxromatoz) və ya onun utilizasiya proseslərinin pozğunluqları
• Hamiləliyin I trimestri

 

İstifadə qaydası və dozalanma:

Preparat yalnız venadaxilinə şırnaq və ya damcı üsulu ilə, həmçinin dializ sisteminin venoz sahəsinə  yeridilir.

Venadaxilinə damcı üsulu ilə: Enciferi 0,9%-li natrium xlorid məhlulunda 1:20 nisbətində həll etmək lazımdır. Alınmış məhlul aşğıdakı qayda ilə yeridilir: 100 mq Fe-15 dəq, 200 mq Fe-30 dəq ərzində, 300 mq Fe-1,5 saat, 400 mq Fe-2,5 saat, 500 mq Fe-3,5 saat. Maksimal birdəfəlik doza 7 mq Fe/kq-dır, preparatın ümumi dozasından asılı olmayaraq 3,5 saat ərzində yeridilməlidir.  

Venadaxilinə şırnaq üsulu ilə: 5 ml (1 ampul) Encifer (100 mq Fe) 5 dəq ərzində tədricən vurulur. Preparatın maksimal dozanı 2 ampul (10 ml) aşmamalıdır.

Standart dozalanma:

Böyüklər və yaşlılar: 5-10 ml Encifer (100-200 mq) hemoqlobinin səviyyəsindən asılı olaraq həftədə 1-3 dəfə.  

Uşaqlar: 3 yaşa qədər uşaqlarda istifadəsi məhdudlaşdırılır. 3 yaşdan böyük uşaqlarda 0,15 ml (3 mq Fe)/kq hemoqlobinin səviyyəsindən asılı olaraq həftədə 1-3 dəfə.  

Preparatın dozalanması fərdi aparılır.

Müalicə üçün Encifer preparatının ümumi həcmi

 

Bədən kütləsi, kq	Müalicə üçün Encifer preparatının kumulyativ terapevtik dozası
	Hb 60 q/l		Hb 75 q/l		Hb 90 q/l		Hb 105 q/l
	mq Fe	ml	mq Fe	ml	mq Fe	ml	mq Fe	ml
5	160	8	140	7	120	6	100	5
10	320	16	280	14	240	12	220	11
15	480	24	420	21	380	19	320	16
20	640	32	560	28	500	25	420	21
25	800	40	700	35	620	31	520	26
30	960	48	840	42	740	37	640	32
35	1260	63	1140	57	1000	50	880	44
40	1360	68	1220	61	1080	54	940	47
45	1480	74	1320	66	1140	57	980	49
50	1580	79	1400	70	1220	61	1040	52
55	1680	84	1500	75	1300	65	1100	55
60	1800	90	1580	79	1360	68	1140	57
65	1900	95	1680	84	1440	72	1200	60
70	2020	101	1760	88	1500	75	1260	63
75	2120	106	1860	93	1580	79	1320	66
80	2220	111	1940	97	1660	83	1360	68
85	2340	117	2040	102	1720	86	1420	71
90	2440	122	2120	106	1800	90	1480	74

 

Əlavə təsirləri:

Başgicəllənmə, baş ağrısı, paresteziyalar, taxikardiya, hipotenziya, istilik hissiyatı, periferik ödemlər, bronxospazm, diareya, dadın təhrif olunması, ürəkbulanma, qusma, eritema, qaşınma, səpgi, piqmentasiyanın pozulması, çox tərləmə, artralgiya, oynaqlarda ödemlər, mialgiya.

 

Buraxılış forması:

Ampul 5m №5